Dewleta tirke ya îşxalkere û çeteyanê ci dewê Til Cîcan û Til Medîqî yê Efrinî dayî bombayan ver. Hêrişan de ciwano bi nameyê Ciwan Mihemed Eli (26) birîndar bi.

Çeteyan dima ra hêrişê dewa Bênê ya Şêrewa kerd. Bombardumanî de xesaro madî ame meydan.

Hêrişanê dewleta tirke ya îşxalkere yê vera dewa Gundê Mezinî ya Şerawa de zî domanêk birîndar bi.

Îşxalkeran cehd kerd ke hêrişê dewanê Kilotê û Birc Qasê yê Şerawa de bikerî. Hêzanê Xopawitişî çarçewaya xopawitişê meşrûyî de cewab da çeteyê peyser qeldayî.

Dewleta tirke ya îşxalkere çeteyanê ci dewa Um El Kêfî ya Kantonê Cizîre daye bombayan ver.

Xeta Babî de ke binê îşxalê dewleta tirke ya mabênê QSD û çeteyan de pêkewtişê xidarî qewimîyayî. Çeteyanê ke netîce nêgirewte mecbûr mendî pêser agêrayî.