Qamişloyê Rojawanî de baxçeyê Zîndanê Um El Fursanî de wesayîtêk ame hedefgirewtene. Fermandarîya Pêroyî ya Hêzanê Asayîşê Zereyî yê Rojawanî derheqê hêrişê droneyê çekdarî yê dewleta tirke de eşkerayîye daye.

Eşkerayîye de ame vatene ke hemrayêkê înan ke îdareyê bajarî de xebiteyayêne şehîd bi. Fermandarîya Pêroyî da zanayene ke zîndano ke ame hedefgirewtene tepişteyê cînayetî û narkotîkî est ê û vat: ''Bi nê hêrişî ame waştene ke wa sûcdarî serewedarî û biremê.  La hêzanê ma destûr nêda tîya têmîyankewtiş vejîyo.bDewleta tirke wazena ke asayîş û îstîkrarê herême bixeripno la hêzê ma do plananê înan tim pûç bikerê.''