Meclîsê Pêroyî yê Şêxmeqsûd û Eşrefîyê bi eşkerayîyêke da zanayene ke hêrişê bi wesayîtê bombabarkerdeyî hetê MÎTî ra ame kerdene û vat Endamê Komîteya Ekonomî Hemze Kobanê şehîd bi û 3 kesî birîndar bîyî.

Meclîsî keyeyanê heme şehîdan û kesanê ke erdlerz de merdimê xo vînî kerdî, înan rê serweşîye  waşte û vat rixmê erdlerzî hêrişê dewleta tirke yê vera herêma dewam kenê.

Eşkerayîye de ame vatene ke rixmê ambargoyê giranî taxanê Şêxmeqsûd û Eşrefîye de sere de Komîteya Ekonomî dezgehê cayî hela verêne ra hetkarîya mexdûranê erdlerzî kenê û derheqê hêrişî de nê ameyî vatene:  ''Ewro Endamê Komîteya Ekonomî Hemze Kobanê  hetê grûbanê  pabesteyê MÎTî  ra ame hedef girewtene. Hemze Kobanê şewe, roje nêvat, semedê xizmetê şarê taxe xebitya û şertena tewr zehmetan de hewcedarîyê înan ardî ca. Hemre Hemze Kobanê tewrê kerwanê bêmergan bi.  Hêriş de 3 kesî birîndar bîyî ke nînan ra rewşa yewî giran a. Ma do xeta şehîd Hemzeyî teqîp bikerê û berpirsîyarîya xo bîyarê ca.''