Serrrgêra hêrîşê DAÎŞî yê vera Zîndanê Sînaa yo ke  bi paştîdayîşê dewleta tirke ame kerdene û  hêrîşanê vera  Efrînî de şar Hesekê, Tebqa û Reqa de vejîya waran. 

Şarê Kantonê Hesekê Şehîdê Pêngavayî ardî xo vîrî û hêrîşê dewleta tirke ya îşxalkere şermizar kerdî. Protesto nêzdîya Zîndanê Sînaa yê taxa Xiwêran a Hesekê de bi beşdarîya bi seyan kesan  û endamanê sazgehanê sîvîl û eskerîyan virazîya, beşdaran, resimê şehîdanê pêngavayî xo dest de tepîştî

Sere de endama Meclîsê Keyeyanê Şehîdan ê Hesekê Rojda Ehmede ard ziwan ke hêrîşê hemverê zîndanê Sînaa, hetê dewleta tirke ya îşxalkere ra bi armancê qirkerdişê şarê herême ame plankerdene.

Rojda vat ke bi saya hêzê eskerî reyde yewîya şarê herême, planê dewleta tirke xira bîyî û venga pawitişê qezencê şehîdan da. 

Dima, hemserekê Meclîsê Rayberî yê Rayberîya Xoserîya Demokratîke ya herêma Cizîrî Telat Yûnisî qisey kerd û vat: ‘‘Xoverdayîşê şarê Vakur û Rojhelatê Sûrîye yê hemverê çeteyanê DAÎŞî û zorberdişê înan serkewtişêko gird bî. Kes nêeşkeno zorê îdareyê ma bero, ma do her çîyî seba ewleyî û aramîya şarê xo feda bikerê.’’

Çalakî bi sloganê ‘‘Şehîdî Nêmirenê’’ qedîyaye.