Merkezê Çapemenî û Îrtîbatî yê Hêzanê Sûrîyeya Demokratîke (QSD) eşkera kerd ke vizêr hêrişê dewleta tirke yê vera Kobanê de şervanêkê înan şehîd bîyo.

QSDyî eşkerayîya xo de wina vat: ''Dewleta tirke ya îşxalkerê hêrişê ê kesan kena ke semedê mexdûranê erdlerzî ekîbanê xelisnayîşî û hetkarî şawenê. Şervanêkê ma gama ke Kobanê de keyeyêk zîyaret kerdêne  hetê droanyanê çekdaran ê dewleta tirke ra ame hedefgirewtene û şehîd bi.''