Dewleta tirke ya îşxalkere vizêr serê rayîrê dewa Xezne yê bajarekê Merûfî yê Tirbesipîyê de di wesayîtî dabî bombayan ver.

Merkezê Îrtîbatî û Çapemenîye yê Hêzanê Asayîşê Zereyî yê Rojawanî derheqê hêrişî de eşkerayîyêke daye û da zanayene ke hêriş de 3 kesî şehîd bîyê û 2 kesî zî birîndar bîyê.

Eşkerayîye de wina ame vatene: ''Dewleta tirke ya îşxalkere 27ê temmuze de pê droneyanê çekdaran 2 wesayîtî serê rayîrê dewa Xezne û bajarekê Til Merûfî de hedef kerdî. Netîceya hêrişî de 3 kesî şehîd bîyî û 2 kesî zî birîndar bîyî.''

Merkezê Îrtîbatî û Çapemenîye yê Hêzanê Asayîşê Zereyî pê hesna ke ê do derheqê hêrişî de dima agahîyanê zêdeyan bidê.