Merkezê Îrtîbatî û Çapemenîye yê QSDyî bi eşkerayîyêke bîlançoya 4ê çeleyê 2025î eşkera kerde. 

Eşkerayîye wina ya:

''Dewleta îşxalkere û çeteyanê ci xîret kerd ke herêmanê Minbicî de aver şorê. Hêzanê Meclîsê Leşkerî yê Minbicî vizêr pêro hêrişê nînan şiknayî.

Vizêr saete 13.00 de dewleta tirke ya îşxalkere û çeteyanê di hêrişê dewanê Awbendê Tişrînî kerd. Pêkewtişan heta 17.00î dewam kerd. Dewleta îşxalkere dima bi obusan herême daye bombayan ver. Dima hêrişê vera Girê Syriatelî dîyayî destpêkerdene. Hêzanê ma erebeyêk îmha kerd û 8 çeteyî kiştî.

Saete 13.30 de çeteyan hêrişê Mezreya Ebû Seîdî kerd. Şerwanan hêriş şikna. Tîya de 5 çeteyî kişîyayî. Dewleta îşxalkere dewa Xirbê Zemala bi giranî daye bombayan ver.

Hetê bînî ra Yewinanê Şehîd Harunî 13 noqtayê dişmenî kerdî hedef û da piro.

Hêzanê ma nêzdîyê Dêr Hafirê de da noqtayêka dewleta îşxalkere ro. Tîya de çeteyêk bi giranî birîndar bi.

Roja îneyî dewleta îşxalkere kargehê şekerî yê Dêr Hafirî dabi bombayan ver. Netîce kargeh bi giranî wêran bibi. Rixmo ke no kargeh warêko sivîl bi û xizmetê şarî kerdêne dewleta tirke tîya da bombayan ver.''