Hesekê de 2 DAÎŞî ameyî tepiştene
2 cergê DAÎŞî yê ke hêrişê vera hêzanê QSDyî de ca girewtbî, netîceya operasyonê hêzanê asayîşî de tepişîyayî.
Operasyonê Hêzanê Sûrîyeya Demokratîke (QSD) yê Hesekê de 2 cergê DAÎŞî tepişîyayî û dest nîya tay cebilxaneyan ser.
QSDyî derheqê operasyonî de nê agahîyî dayî: ''QSDyî pê paştdayîşê hêzanê Koalîsyonê Mîyanneteweyî 2 cergê DAÎŞî tepişîyayî ke verî vera hêzanê ma hêriş kerdbi. Operasyon de dest nîya tay çek, cebilxane û dokumentan ser. Operasyon çarçewa kedanê QSDyî de ame kerdene.''
