Merkezê Îrtîbatî û Çapemenîye yê Hêzanê Asayîşê Zereyî da zanayene ke Koyê Kizwanî yê Hesekê de Hêzanê Antî-Terorî vera cerganê DAÎŞî operasyon kerdo.

Ame parekerdene ke cerganê DAÎŞî amadekarîya hêrişê xokiştişî kerdêne.

Merkezê Îrtîbatî û Çapemenîye vat: ''HATî eşt hucreyanê cerganê DAÎŞî ser. Netîce de pêkewtişî qewimîyayî. Netîceya pêkewtişan de di cergî kişîyayî û di cergî zî tepişîyayî. Operasyon de dest nîya di kalaşnîkofan, 11 şarjoran, 7 dabança û tifingêkî ser.''