Hesekê de domanî ameyî hedefkerdene

Qezaya Şedadê ya Hesekê de 4 domanî bombardumanê kesan de ke nasnameyê înan kifş nîyê, birîndar bîyî.

Qezaya Şedadê ya Hesekê ke kesanê ke nasnameyê înan kifş nîyê, serê motorsîklete de bomba eşte 4 domananê qijan .

Netîceya bombardumanî de domanê bi nameyê  Nur Xidir (5), Meter Xidir (3), Xidir Xidir (6) û Yasir El-Hemûd El Xidir (15) birîndar bîyî. Domanî Nêweşxaneyê Hesekê de yenê weşkerdene.

Emîna Xidira ke 3 domanê ci birîndar bîyî vat: ''2 kesê pê motosîklete, wexto ke domanan kuçe de kay kerdêne bomba eşte înan. Qeza de dişmenê ma çin ê.''

Doktoranê Nêweşxaneyê Hesekê ra Mihemed Fadilî da zanayene ke doman Yasir El Hemûd  parçeyanê bomba ra sere û sîngê xo ra birîndar bîyo, rewşa ci giran a û servîsê ciewnîyayîşê giranî de yo. Hêzanê Asayîşê Zereyî cayê serebûtî de dest pê cigêrayîşî kerd.