Fermandarîya Pêroyî ya Hêzanê Asayîşê Zereyî yê Rojawanî derheqê hêrişê çeteyanê DAÎŞî yê Hesekê eşkerayîyeyêka nuştekîye daye.

Eşkerayîye de ame vatene ke çeteyan bi wesayîtê bombabarkerdeyî hêrişê Zîndanê Xiweêranî kerd ke çeteyanê xo biremnê la hêzanê înan bi paştdayîşê QSDyî operasyon da destpêkerdene û verê înan girewt. Fermandarîye da zanayene ke pêkewtişan de 7 endamê înan birîndar bîyî û endamê înan Xalîdp Ilewî şehîd bo. Eşkerayîye de ame vatene ke çeteyanê ke taxanê nizdîyê zîndanî de xo nimitêne hîrê sîvîlî şehîd kerdî.

Goreyê çimeyanê Meclîsê Kantonê Hesekê wesayîtê ke şewatê dormeyê Zîndanê Xiwêrînî hewna kerdêne raştê hêrişê çeteyan ame û şewatkarêkî dinyaya xo bedilnaye.

Merkezê Çapemenîye yê QSDyî zî da zananeye ke grûbêka çeteyan Zîndanê Xiwêranî de çeteyê ke waşt teslîê bibê hêrişê înan kerd hewtî ra zafêr çeteyî kiştî.

Hetê bînî ra Fermandarîya Hezanê Asayîşê Zereyî badê qewimîyayîşanê Hesekê bajar de qedexeyo pêroyî îlan kerd û semedê paştdayîşî veng da şarî.