Cerganê DAÎŞî dima ke Hesekê de bomba teqnabî xîret kerd ke Zîndanê Xiwêranî ra tepişteyê DAÎŞî biremnê. Coka înan nêzdîyê zîndanî de wesayît û motorsîkletêka bombabarkerde teqnayî. 

Seba ke xîretê înan ser nêkewt înan verê şîrketêka petrolî de teqayîşêk ame kerdene. Ame parekerdene ke cergan seba ke debikewê zîndanî no teqnayîş kerd.

A hele cerganê zîndanî zî xîret kerd ke biremê. Tay cergî remayî. Goreyê agahîyan cergê ke remayê binê kontrolê QSD û Hêzanê Asayîşê Zereyî de yê. Hêzanê Antî-Terorî 2 cergî tepiştî. Hêrişî ra dima QSD û Hêzanê Asayîşê Zereyî dormeyê zîndanî de kontrol vist dest.

La taxanê dormeyê zîndanî de pêkewtişî dewam kenê. Dîya zanayene ke xeylêk cergî nê pêkewtişan de kişîyayî. 

Goreyê çimeyanê herêmîyan QSD seba ke zerar nêreso sivîlan bi hawayêkê baldarî têgêreno û coka operasyon nêame temamkerdene.

Heta nika hêrişê DAÎŞî de 4 sivîlan dinyaya xo bedilnaye û muxabîrê ANHA Basil Reşîd zî birîndar bi.

Ame parekerdene ke zîndan de hema zî îsyan dewam keno.