Endamê Îdareyê Xoserî yê Herêma Firatî Mihemed Şîrînî vat dewleta Tirkî bi hêrişanê sere herêman ê asayîşên ê Vakur û Rojakewtena Sûrîye wazena krîzê Sûrîye giranêr bike.

Şîrînî vat, “Destpêkê krîzê Sûrîye ra heta nika Dewleta Tirkî seba ke nê krîzî giranêr bike tê gêraye. Naye ra herêmê Sûrîye îşxal kerdî. Dewleta Tirkî serê sînoranê Îdlîbî ra heta sînorê Iraqî hetkarîye daye komanê çeteyan ê radîkalan û kerd ke krîzê Sûrîye geş bike, Sûrîye îşxal û talan bike. Dewleta Tirkî bi nê hêrişanê îşxalkaran her sucê merdimîye kerd, no zî beno semedê kaosan. Beno semedê koçan.''

Şîrînî îfade kerd ke Dewleta Tirkî pêroyê qanûnê şerî binpay kerdî û vat, “Îdareyo Xoser û QSD’yî peymana herêma asayîşêne qebul kerde. Vejîyayo meydan ke armancê Dewleta Tirkî asayîşê sînorî nîyo. Armancê Tirkîya têna îşxalkerdişê herême, rijnayîşê sîstem o demokratîk ê herême û girankerdişê krîzê Sûrîye yo.
Ma qet nê çeteyanê ke herême îşxal û talan kenê qebul nêkenê. Heta ke Dewleta Tirkî hêzanê xi bi temamî erdê m ara tepîya meance, ma do têkoşînê xo rê dewam bikê. Ma sey şar û îdareyê Vakur û Rojakewtena Sûrîye vanê ganî dewleta Tirkî serê sînorê ma ra xo tepîya biance û hesabê sucê merdimîye bide.”