Heyetê Fransa Rojawan zîyaret kerd, temsîlkaranê Îdareyê Xoserî reyde kom bi. Kombîyayîş de krîzê Sûrîye, paştdayîşê çareserîya sîyasî yê Îdareyê Xoserî, tesîrê qefilnayîşê berê sînorî yê Til Koçerî û xeylêk babetî ameyî nîqaşkerdene.
Heyetê Fransa ke tede Serekê Weqfa Daniel Mitterrand Jeremy Chaumatierî, Berpirsa Teqîbê Karanê Rojhelatê Mîyanênî yê Meclîsê Şaredarîya Parisî Maru, Sereka Rêxistina URDyî Veronica de Crove, wird Îdarekarê Weqfa Daniel Mitterrand Jeremy Chaumatier Calimard û Corinne Bosser ca gênê Dayîreyê Têkilîyanê Teberî yê Qamişloyî de temsîlkaranê Îdareyê Xoserî reyde kom bi.
Hemserekê Dayîreyî Ebdulkerîm Omer, hetkarê ci Fener El-Giêt, Ebîr Êleya, berpirsa Nuştegehê Serekîya Nafîya Mihemed û Hetkara Hemserekîya Heyetê Îdareyan ê Herêmîyan û Dormeyan Bêrîvane Omer heyet pêşwazî kerd.
Kombîyayîş de krîzê Sûrîye, paştdayîşê çareserîya sîyasî yê Îdareyê Xoserî, tesîrê qefilnayîşê berê sînorî yê Til Koçerî, rewşa kampanê DAÎŞî, erşawîyayîşê keyeyanê DAÎŞî û xeylêk babetî ameyî nîqaşkerdene.
Pêvînayîş de sîstemê Îdareyê Xoserî ame pênasekerdene, rewşa sîyasî, ekonomîke, girîngîya caardişê koordîneyê mabênê Îdareyê Xoserî û komelê mîyanneteweyî de ser o ameyî qalkerdene.
