Heyetê Kanada yo ke Senatorê Parlamentoyê Kanada Kim Butt, Profesorê Huqûqî Alex Neff, sersefîrê verênî Scott Hethrengton û endamê Komeleya Huqûqî Hedit Nizamî ra yeno pê, Rojawanê Kurdîstanî zîyaret kerd.

Heyet hetê hetkaranê Hemserekîya Dayîreyê Têkilîyanê Teberî Derve Fener El Giêt, Robêl Beho û endamanê Heyetê Îdareyî Xalîd Îbrahîm û Gulîstan Elî ra ame pêşwazîkerdene.

Fener El Giêt îfade kerd ke seba çareserîya meseleya Sûrîye dîyalogî şert ê û waşt ke wa hukmatê Kanada derheqê muhakemekerdişê cerganê DAÎŞî de paştî bido Îdareyê Xoserî. 

Kim Buttî vat: ''Ma do paştî bidê nê îdareyî ke seba edaletî, têdûştîye û merdimatîye xebitîyeno.''

Dalhousie Alex Neffî vat: ''Seba şerê înan ê vera DAÎŞî ganî ma sey Kanada bi hawayêkê cidî paştî bidê Îdareyê Xoserî. Birêka raşt a ke Îdareyo Xoser wazeno cerganê DAÎŞî muhakeme bikero û bişawo welatanê ci. Ma do xîret bikerê ke Kanada na babete de rolê xo bîyaro ca.''