Heyetê Komîsyonê Azadîya Dînan ê Mîyanneteweyî yê DYA (USCIRF) Rojawan de zîyaretanê xo dewam keno. Heyetî vizêr temsîlkaranê Keyeyê Êzidîyan û Yewîya Êzidîyan a Efrînî reyde pêvînayîşêk kerd.

Heyetê DYA de sereka Komîserîye Nadine Menza û keşayê wîlayetê Tennessee Nashville Steve Burgerî ca gênê. Heyetî hêverî herêma Cizîre ya qezaya Amûdê de zîyaretê Keyeyê Êzidîyan kerd.

Hemserekanê Keyeyê Êzidîyan Farûq Tozo û Leyla Mehbû, Hemserekê Yewîya Êzidîyan a Efrînî Mistefa Nebo û endamanê Heyetê Rayberdişî yê Meclîsê Êzidîyan heyet pêşwazî kerd.

Wird terefan zî rewşa êzidîyan a Sûrîye viste rojdem û derheqê rêxistinbîyayîş, cu û prosesê êzidîyan de qisey kerd.

Heyetî roja verêne ya zîyaretê xo de selahîyetdarê Îdareyê Xoserî û rêxistinê komelê sivîlî yê Rojawanî, Dayîreyê Têkilîyanê Teberî yê Îdareyê Xoserî, Kongreya Starî û PYD şaristanê Qamişloyî de heyetî reyde pêvînayîşêk kerdbi.