Hetkarê Wezîrê Karanê Teberî yê Amerîka Joey Hood zî tede heyetêkê Amerîka vizêr Rojawanê Kurdîstanî zîyaret kerd.

Wezaretê Karanê Zereyî yê Amerîka zîyaretî ser o eşkerayîyêke weşanaye û da zanayene ke Hoodî reyde Hetkara Musteşarê Wezaretê Karanê Teberî û Hetkara Temsîlkarê Taybetî yê Sûrîye Aimee Cutrona, Hetkarê Temsîlkarê Sûrîye David Brownstein, Dîrektorê Iraqî û Sûrîye yê Konseya Asayîşê Neteweyî ya Qesra Sipîye Zehra Bell tewrê zîyaretî bîyî.

Goreyê eşkerayîye heyetî QSD, MSD û rîsipîyanê eşîran reyde Reqa de pêvînayîş kerd û hemkarîya Amerîka-Rojawanî, hetkarîya bi herême ser o qisey kerd. Eşkerayîye de ame vatene ke Hoodî eşkera kerd ê pê xebatanê xo pabesteyê çareserîya sîyasî ya Sûrîye yê û hemkarîya bi Rojawanî rê dewam bikerê.

Fermandarê Pêroyî yê QSDyî Mazlûm Ebdîyî zî twitterî ser o derheqê zîyaretî de mesajêk da û vat: ''Zîyaret de ame parekerdene ke hêzê koalîsyonî yê mîyanneteweyî seba serkewtişêkê mendeyî yê vera DAÎŞî, seba paştdayîşê aramîye û xurtkerdişê Îdareyê Xoserî do herême de bimanê.''