Selahîyetdaranê Kampa Waşokanî ya Hesekê venga  rêxistinanê hetkarîye û dezgehanê weşîye da ke Kampa Waşokanî de laboratuwarêk bêro akerdene. Kampa Waşokanî de tewr tay 12 hezar koçberî manenê û hewcedarîyê kampe têna hetê Îdareyê Xoserî yê Rojawanî ra yenê peydakerdene.

Îdarekarê Kampa Waşokanî yê Heyva Sor a Kurdan Cîhan Amîrî îfade kerd ke ekîpmanê weşîye qîm nîyê, pisporê weşîye çin ê û ê pê ambulansan nêweşan benê merkezê Heyva Sor a Kurdan. Amîrî da zanayene ke rojêke de tewr tay 9 nêweşî erşawîyenê nêweşxaneyanê Til Temir û Hesekê. Amîrî venga rêxistinanê hetkarîye da ke seba ke xizmeyê weşîye yê kampe holêr bibê paştî bidê kampe.