Endamanê YPJ, YPG, QSD, Meclîsê Leşkerî, Meclîsê Sûryanîyan, Dîsîplînê Leşkerî, Erkê Xopawitişî û Meclîsê Keyeyanê Şehîdan seba Roşanê Qurbanî kampa koçberanê Serêkanîyê zîyaret kerde.

Endama Meclîsê Keyeyanê Şehîdan Ayda Sama pare kerd ke rixmê zor û zehmetîyan zî şarê Serêkanîyê xoverdayîşê xo rê dewam keno û vat: ''Waştişo ma yo verê azadîya Rayber Apoyî ya, ma heta peyêne rêçê şehîdan ser o de bê.''

Endamê Meclîsê Leşkerî Birûsk Hesekêyî zî roşanê koçberan fîraz kerd û vat ke şarê Serêkanîyê abigêro abigêrê warê xo. Coka destê înan ra çita yeno bikerê û Serêkanîyê azad bikerê.

Endama YPJyî Necbîre Îsa vat: ''Dewleta tirke û cergê ci kenê ke kurdan çin bikerê. La şerwanê ma pê paştdayîşê şarî heta peyên do têkoşîn bikerê. ''

Endamê Erkê Xopawitişî Mistefa Til Berakî vat: ''Roşanê şarê ma fîraz bo. Ma hêvî kenê ke wextêkê kilmî de Serêkanîyê azad bikerê.''

Endamê Dîsîplînê Leşkerî Berxwedan Hesekê vat: ''Erk û wezîfeyê ma yo ke ma hêvî û waştişê azadkerdişê Serêkanîyê bîyarê ca. ''

Roniştoxanê kampe ser o Ebû Ehmedî qisey kerd û da zanayene ke ê do heta peyên xo ver bidê, heqanê xo dest bivisnê. Ehmedî vat: ''Zulmê dewleta tirke ya îşxalkere û cerganê ci ra ma bîyî koçber. Ma soz danê ke heta peyên peyê şehîdan ra şorê û armancê înan ê azadîye bîyarê ca. Ma do qetî rûmetê xo ra tawîz nêdê.''