Hêzanê Sûrîyeya Demokratîke (QSD) vera cerganê DAÎŞî Hol û Til Hemis de dest pê operasyonê 'Birûska Cizîrê' kerd. Merkezê Îrtîbatî û Çapemenîye yê QSDyî derheqê operasyonî de bi eşkerayîyêke tay agahîyî dayî.

Eşkerayîye bi kilmî wina ya:

''Hêrişanê dewleta tirke reyde DAÎŞî zî hêriş û gefê xo yê vera herême zêdînayî. DAÎŞ bi broşuran her kesî tehdît keno û xîret keno ke newe ra gandar bibo. DAÎŞî binê nameyê 'zekatî' de xo fînanse keno û çekdar keno. Tewr peyên cergan Reqa de hêrişê Hêzanê Asayîşê Zereyî kerd. Hêrişanê dewleta tirke ra dima zî DAÎŞî 8 reyî xîret kerd ke hêrişê Kampa Holî, Dêra Zorê û Hesekê bikero. La nê xîretî hetê hêzanê ma ra ameyî pûçkerdene. Nê pêro eşkera kenê ke delweta tirke DAÎŞî gandar kena.

Hêzanê ma rixmê bêvengîya dinya zî heta nika têkoşînê vera DAÎŞî de fedakarîyê pîlî kerdî û têkoşînê xo pîlêr kerd. Hêzanê ma na çarçewe de vizêr şan herêmanê Kampa Holî, Hesekê, Qamişloyî de yanî herêmanê Hol û Til Hemîsî de 'Operasyonê Birûska Cizîrê' (Saîqeta El Cezîre) da destpêkerdene. Operasyon seba qesasê şehîdanê Reqa û hewcedarîyanê lezabezan dîya destpêkerdene. No operasyon destpêkê operasyonanê antî-terorî yê 2023yî yo. Hêzê ma nê esasî ser o vera gefanê şarê ma û dezgehanê ma bi xurtî û cidîyî têbigêrê.''