Hêzanê Pawitişê Komelkîyî (HPC) yê qezayanê Girkê Legê, Çikaxa, Til Koçerî hêrişê dewleta tirke ya îşxalkere ê vera Rojawanî bi eşkerayîyêka hempare şermezar kerdî. Bi desan endamê HPCyî warê Azadîye yê Girkê Legê de kom bîyî.

Endamê HPCyî Elî Hesenî eşkerayîye wende. Eşkerayîye de wina ame vatene: ''Ma hêrişanê îşxalî û gefanê îşxalî yê dewleta tirke şermezar kenê. Ma sey roniştoxanê herêma Cizîre sey asûrî, sûryan, armenî, asûrî û kurdan tîya de bingeyê wayûbiratîya şaran û cuya hempare ser o herêmê Îdareyê Xoserî awan kerdî û ma do vera îşxalê dewleta tirke bêveng nêmanê. Ma do rayîr nêdê ke îşxalê tirkan reyna hêrişê erdê ma bikero û ma pê bawer ê ke ma do bingeyê Şerê Şarî yê Şorişgêrî de xo ver bidê û ser bikewê.''