Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya:

''24ê êlula 2024î de warê Masîroyî yê qezaya Şaxî yê Wanî de artêşa tirke ya îşxalkere operasyonêk kerd. Nê operasyonî de mabênê hêzanê ma û îşxalkeran de temasî qewimîyayî û bîyî pêkewtiş. Pêkewtişan de ewladê Botanî yo cesûr û milîtano fedayî yo Apogîr Zagros Cûdî şehîd bi. Embazê ma Zagrosî bi tewirê xo yê têkoşînî nameyê xo tarîxî ser de nuşt.

Embazê ma Zagroso ke heta nefesê peyênî vera dişmenî bi fedayîtî şer kerd û şehîd bi, îsbat kerd ke milîtanê bi ruhê fedayî yê Apogîrî do bin nêkewê. Ma sere de keyeyê ci rê pêro şarê Şirnexî û Kurdîstanî yê welatperwerî rê serweşîye wazenê. Ma soz danê ke têkoşînê embazê ma Zagrosî biresnê serfîrazîye.

Nasnameyê embaz Zagros Cûdîyî wina yo:

Embazê ma Zagros Şirnex de dadîya xo ra beno. O hema domanîya xo de PKKyî şinasneno û beno sempatîzanê gerîlayan. O bi hawayêkê aktîfî xebatanê ciwanan de cagêno. Embazê ma Zagros dima ke 2011 de dezayê ci Rêna-Gurgîn Uysal şehîd beno qerar dano ke verê xo bido koyan.O tewrê gerîlayan beno, Besta de perwerde vîneno û bi aktîfî tewrê têkoşînî beno. 

O wextê hêrişanê DAÎŞî de vera cergan şer keno, dima agêreno koyanê Şirnexî. Embazê ma Zagros bi perwerîya şehîdan tim keno ke têkoşîn û xoverdayîşê xo aver bero. Embazê ma seba ke qesasê şarê xo bigêro waştişê xo ser o erşawîyeno Botanî. O Botan de zî têkoşînêkê bêmabênî keno û cewab dano hêrişanê dişmenî. O bi tewirê xo yê cuye û têkoşînî embazanê xo rê zî beno nimûne û şehîd beno.''