Hêzanê Xelisnayîşê Efrînî (HRE) detaya çalakîya ke 19ê gulane de vera baregehê  dewleta tirke û çetayanê ci kerde, eşkera kerdî.

Eşkerayîye de nê ameyî vatene:

''Hêzanê ma 19ê gulane de dewa Basûfanê ya Efrînî de vera baregehê çeteyan çalakîyêka hîra kerde. Çalakîya ke saetanê şewe de ameye kerdene de 4 çeteyî ameyî kiştene û 2 çeteyê birîndarî zî remayî. Hêzanê ma hende 15 deqeyan kontrolê baregehî fîna dest. Dima ra pêkewtişan de 4 çeteyê bînî ameyî kiştene û çeteyêk zî birîndar bi. Eynî wextî de yew doçka zî derbe girewt. Îşxalkeran saetanê serê sibayî dormeyê dewe de operasyon da destpêkerdene. Tîya çalakîya sabotajî ameye kerdene. Çalakîye de wesayîtêk ame îmhakerdene û 3 leşkerê tirkî û yew çete ameyî kiştene. Dima ke îşxalkerî semedê girewtişê cenazayanê xo ameyî vera înan yewna çalakîya sabotajî ameye kerdene, 2 çeteyê bînî ameyî kiştene û motosîkletêk ame xeripnayene. Îşxalkeran badê çalakîyan dewê Şêrawa û Şehba bombarduman kerdî. Çalakîyan de bi temamî 11 çeteyî û 3 leşkerê tirkî ameyî kiştene û 3 çete zî birîndar bîyî û xeylêk çeke û malzemeyo teknîkî ame destfînayene .Nê çalakîyî semedê qesasgirewtişê şarê ma ameyî kerdene.''