Hêzanê Xelisnayîşê Efrînî (HRE) bi eşkerayîyêke derheqê çalakîyanê xo de agahîyî dayî.

Eşkerayîye wina ya:

''Dewleta tirke ya îşxalkere bi hawayêkê namerdî hêrişanê xo rê dewam kena. Vera aye hêrişê ma yê qesasî dewam kenê.

9ê êlule de xeta Ezazî de çalakîya taybete de 2 cergî kişîyayî. 10ê êlule de Bab de vera cergan çalakîye ameye kerdene û tîya de 3 cergî kişîyayî, 4 cergî zî birîndar bîyî û yew doçka ameye îmhakerdene. 11ê êlule de Şêra de çalakîya taybete de 1 leşkero tirk û Marê de 1 cerg kişîya. 11ê êlule de Ezaz de 5 cergê îşxalkerî kişîyayî. 23yê êlule de Ezaz de 1 cerg kişîya û Bab de 2 leşkerê tirkî birîndar bîyî.

7ê teşrîna verêne de Şera de çalakîya sekbanîye de 1 cerg kişîya. 8ê teşrîna verêne de Bab de 1 leşkero tirk kişîya û 2 leşkerî birîndar bîyî. 9ê teşrîna verêne de Marê de 2 leşkerê tirkî birîndar bîyî. Ancî 9ê teşrîna verêne de Şêrawa de hêzanê ma xeylêk baskan ra da çeperanê dişmenî ro. Tîya de doçkayêke ameye îmhakerdene, fermandarê nînan zî tede 9 îşxallerî ameyî kiştene, 3 cergî birîndar bîyî û dest nîya xeylêk çekan ser.

Nê pêro çalakîyanê ma de 2 leşkerê tirkî yê îşxalkerî û 22 cergê îşxalkerî kişîyayî, 6 leşkerê dewleta tirke û 7 cergê îşxalkerî birîndar bîyî.''