Hêzanê Xelisnayîşê Efrînî (HRE) pare kerd ke netîceya rêzê çalakîyan ê 17-24ê gulane de 5 îşxalkerê dewleta tirke ameyî kiştene.

Goreyê eşkerayîya HRE 17ê gulane de dewa Hecîka yê qezaya Recoyî de çalakîya sabotajî de 2 cergî kişîyayî û 2 cergî zî birîndar bîyî. 18ê gulane de taxa Eşrefîyê ya Efrînî de çalakîya sekbanîye de cergêk birîndar bi. 19ê gulane de herêma Cerablusî de çalakîya sabotajî de tay îşxalkerî kişîyayî la hûmara înan nêameye destbendkerdene. 24ê gulane de dewa Keferxweşî ya herêma Ezazê de çalakîya sekbanî de 2 cergî ameyî kiştene. Heman herême de dewa Kil Cibrînî de pê droneyan baregehêkê îşxalkeran ame pirodatene û netîce de leşkerêk kişîya, 2 leşkerî zî birîndar bîyî.

Goreyê eşkerayîye çalakîyan de bi temamî 4 cergî û leşkerêkê dewleta tirke kişîyayî û 3 cergî, 2 leşkerî zî birîndar bîyî.