Hêzanê Xelisnayîşê Efrînî (HRE) pê eşkerayîyêka nuştekîye bîlançoya çalakîyanê hêzanê înan eşkera kerde.

Eşkerayîya HRE wina ya:

17ê gulane de hêzanê ma herêma Efrînî de vera leşkeranê artêşa tirke ya îşxalkere û cerganê aye 2 çalakîyê sabotajî kerdî. Netîceya çalakîyan de sercergê bi nameyê Ebu Amîr Til Rifatî zî tede 2 cergî ameyî kiştene labelê hûmara birîndaran nêameye zelalkerdene. Hêzanê ma herêma Ezazî de vera cerganê artêşa îşxalkere çalakîyêke kerde labelê netîceya çalakîye nêameye zelalkerdene.

18ê gulane de herêma Marê de hêzanê ma eşt cerganê artêşa îşxalkere ser. Netîceya çalakîye de 4 cergî ameyî kiştene. Hêzanê ma herêma Babê de vera cerganê artêşa îşxalkere çalakîya sekbanîye kerde û netîceya çalakîye de cergêk ame kiştene.

19ê gulane de hêzanê ma rayîrê dewanê Çeqela û Alkana yê Şîyê de vera cerganê artêşa îşxalkere çalakîyêka sabotajî kerde. Netîceya çalakîye de cergêk ame kiştene, cergêk birîndar bi û wesayîtêk zî ame derbkerdene.

23ê gulane de hêzanê ma nêzdîyê Pira Acerî yê Efrînî de vera cerganê artêşa îşxalkere çalakîyêka sabotajî kerde. Çalakî de cergêk birîndar bi. Hêzanê ma herêma Marê de vera cerganê artêşa îşxalkere çalakîyêka sekbanîye kerde. Çalakîye de cergêk ame kiştene.

25ê gulane de hêzanê ma taxa Mehmûdîyê ya Efrînî de nêzdîyê bendê kontrolî yê cerganê artêşa tirke de çalakîyêka sabotajî kerde. Netîceya çalakîye de wesayîtêk ame îmhakerdene, hûmara kişte û birîndaran nêameye zelalkerdene. Hêzanê ma rayîrê Efrîn û Ezazê de vera cerganê artêşa îşxalkere çalakîyêka sabotajî kerde. Netîceya çalakîye de zerarê madî ame meydan.

Temamîya çalakîyanê hêzanê ma de 9 cergî ameyî kiştene, 2 cergî birîndar bîyî û wesayîtêk ame îmhakerdene. Artêşa îşxalkere wextanê peyênan de dew û qezayanê Efrîn û Şehba ser o bi giranî bombayan varnena û netîceya ci de zeraro madî reseno sivîlan ser.''