Hêzanê Xelisnayîşê Efrînî (HRE) da pêhesnayene ke hêzanê vera hêrişanê artêşa tirke tay çalakîyê qesasî kerdî û vat 20 îşxalkerî ameyî cezakerdene.

HRE eşkerayîya xo de vat: ''Ma sey hêzê pawitişê şarê xo vera hêrişan bêveng nêmanenê, çalakîyanê qesasî kenê.''

Eşkerayîye de nê ameyî vatene: ''Dewleta tirke îşxalkere û çeteyê ci yê DAÎŞî îşxalê Efrînî ra n -ata vera şarê ma polîtîkaya qirkerdişî rayra benê û sûcê şerî kenê. Dişman şarê ma qetil keno, erdê ci ra raqilneno û hêrişê erjanê ma yê bimbarekan keno. Hetê bînî ra zî zeytunêrê bi seserran ê ke çimeyê îdareyê şarê ma yê yenê birnayene û xoza yena qetilkerdene ke şarê ma bêpawitişî bimano.

Îşxalkerî têna Efrîn de hêriş nêkenê. Şaro ke Efrînî ra bar kerdo o zî raştê hêrişî yeno. Şarê ma yo bi hêrişê çeteyan dormeyê Haleb û Şehba ra bar kerdo o zî raştê hêrişan yeno. Netîceya nê hêrişan de bi seyan însananê ma dinyaya xo bedilnaye. Demê peyênî de hêrişê vera herême zêdîyayî bitaybetî hêrişê hewayî de cinî û doman zî tede bi seyan kesî şehîd bîyî. Qirkerdişî verê çimanê dinya de yenê kerdene la çew vengê xo nêvejeno. Ma sey hêzê pawitişê şarê xo vera hêrişan bêveng nêmanenê, çalakîyanê qesasî kenê.

Çarçeweya nê çalakîyan hêzanê ma 30ê çeleyî de dewa Basilê ya qezaya Şerawa de vera artêşa tirke ya îşxalkere çalakîya hîra kerde. Embazê ma bi hewayêkê qerardarî şîyî dişmenî ser û darbeyê girdî dayî piro.

Netîceya çalakîye de 12ê leşkerê tirkî yê îşxalkerî û 8 çeteyê ci ameyî kiştene.8 leşkerî û 17 çeteyî zî birîndar bîyî. Reyna doçkayêk, mewzîyêka çekanê giranan, di kamerayê mobese û 18 siperî ameyî îmhakerdene.

5 embazê ma yê ke bêters şîyî dişmenî ser bi hewayêkê qehremankî şer kerd, tewrê kerwanê şehîdan bîyî. Nasnameyê embazanê ma do peyra bêrê eşkerakerdene.''