Hêzanê HRE vera hêrişê qirkerdişê sivîlan ê Til Rifatî çalakîyê qesasî kerdî. Çalakîyan de 7 cergî û leşkerêk ameyî kiştene.

Beyanatê Hêzanê Xelisnayîşê Efrînî (HRE) wina yo:

"Dewleta tirke ya îşxalkere û cerganê aye 2ê kanûne de vera hemwelatîyanê Efrinî Til Rifatî de hêrişê qirkerdişî kerd. Zafê îna domanî zaf hemwelatîyê ma şehîd bîyî. Hêzanê ma vera nê hêrişê qirkerdişî tay çalakîyî kerdî. 3ê kanûne de hêzanê ma dewa Gobelî ya Efrînî de vera qerargehêkê artêşa tirke çalakîyêke kerde. Çalakîye de obusêk ame îmhakerdene, leşkerêko îşxalker ê dewleta tirke ame kiştene û 2 leşkerê înan zî birîndar bîyî. Heman roje de dormeyê şaristanê Ezazî de hêzanê ma vera çeper û mewzîyanê artêşa tirke ya îşxalkere çalakîyêke kerde. Na çalakîye de 5 cergî ameyî kiştene û zaf cergî birîndar bîyî. Reyna hêzanê ma dormeyê şaristanê Mare de vera cerganê dewleta tirke ya îşxalere çalakîyêka sekvanî kerde. Na çalakîye de zî cergêk ame kiştene. Çalakîyanê hêzanê ma ra dima dewleta tirke ya îşxalkere û cerganê aye dewanê Soxanekê, Aqîbê yê Şêrawa, dewanê Şewarxa, Malîkîyê û Elqamîye yê Şera û dewa Hirbilî ya Şehba ser o bombayî varnayî. Sey Hêzanê Xelisnayîşê Efrînî ma reyna vanê ke hêrişê îşxalkeran do qet bêcewab nêmanê."