Hêzanê Xelisnayîşê Efrînî (HRE) derheqê çalakîyanê peyênan ê hêzanê xo de eşkerayîyêke weşanaye.

Eşkerayîya HRE wina ya:

"Herêma Efrîn û Ezazî de hêzanê ma çarçewa çalakîyanê qesasî de vera artêşa tirke ya îşxalkere û cerganê aye çalakîyê sabotajî kerdî.

8ê kanûne de mabênê dewanê Meydankê û Gemrukê yê qezaya Şera de hêzanê ma vera cerganê koma bi nameyê Sultan Muradî çalakîyêka sabotajî kerde. Netîce de 3 cergê kome ameyî kiştene.

Heman tarîxî de mabênê dewanê Beradê û Kefer Nebo yê qezaya Şerawa de hêzanê ma vera cerganê koma bi nameyê Feylaq El-Şamî çalakîyêka sabotajî kerde. Netîce de cergêk ame kiştene û cergêk zî birîndar bi.

Tarîxê 9ê kanûne de herêma Ezazê de hêzanê ma vera cerganê koma bi nameyê Firqat El-Hemzeyî çalakîyêka sabotajî kerde. Netîce de 5 cergê kome ameyî kiştene."