Hêzanê Xelisnayîşê Efrînî (HRE) derheqê çalakîyanê hêzanê înan ê vera îşxalê tirkan de eşkerayîyêke weşanaye.

Eşkerayîya HRE wina ya: "Vera artêşa tirke ya îşxalkere û cerganê aye Efrînî û herêmanê dormeyanê ci de çalakî û operasyonê hêzanê ma bêmabên dewam kenê. Hêzanê ma 30ê kanûne de dewa Tiwesî ya herêma Babî de çalakîyêka sabotajî de cergê koma bi nameyê Lîwa Weqasî hedef girewtî. Netîce de 3 cergê kome birîndar bîyî. Hêzanê ma tarîxê 31ê kanûne de dewa Soranî ya herêma Ezazî de bi çalakîyêka sabotajî cergê pabesteyê Polîsanê Leşkerî hedef girewtî. Netîceyê çalakîye de 4 cergê Polîsanê Leşkerî birîndar bîyî. Artêşa îşxalkere û cerganê aye dewanê  Soxanekê, daristananê Soxanekê, Aqîbê yê qezaya Şêrawa û dewanê Merenazî, Malikîyê, Şewarixa yê qezaya Şera yê Efrînî ser o 70 topê obusî varnayî. Heman wextî de vizêr teyarayanê artêşa îşxalkere qezayanê Şêrawa û Şera ser o dest pê têgêrayîşî kerd û hema zî dewam kenê."