Eşkerayîya nuştekîye ya HRE de wina ame vatene: ''Herêma Efrînî de çalakîye û operasyonê ma yê serkewteyî yê vera artêşa tirke ya îşxalkere û cerganê aye bêmabên dewam kenê.

1ê çeleyî de dormeyê Basûtî ya qezaya Şera ya Efrînî de vera çeper û cayê mendişanê komêka cergan a bi nameyê Firqet El-Hemzetî çalakîya sabotajî ameye kerdene. Netîceyê na çalakîye de 2 cergê îşxalkerî yê na kome ameyî kiştene û 3 cergê ci zî birîndar bîyî.

Teyarayê keşfî yê bêmerdiman ê artêşa tirke ya îşxalkere qezaya Şera ya Efrînî ser o gêrayî. Hetê bînî ra dewanê Merenaz, Malikîyê, Şewarixa û Kela Şewarixa yê qezaya Şera ser o bombayî ameyî varnayene. Bombarduman de zerarê madî resa mal û mulkanê sivîlan ser. "