HRE da piro: 1ê ci fermandar 6 îşxalkerî kişîyayî
Hêzanê Xelisnayîşê Efrînî (HRE) Bab, Ezaz û Şêra de da hêzanê artêşa tirke ya îşxalkere ro. Dîya zanayene ke nê çalakîyan de yewê ci fermandar 6 îşxalkerî kişîyayê û 11 îşxalkerî zî birîndar bîyê.
HRE derheqê çalakîyanê xo yê vera artêşa tirke ya îşxalkere de eşkerayîyêke daye.
Eşkerayîye wina ya:
''Hêzanê ma 5ê tebaxe de herêma Babî de vera baregehê artêşa tirke ya îşxalkere çalakîyêke kerde. Çalakîye de 1 kameraya mobese û 1 kameraya termale ameye îmhakerdene.
-6ê tebaxe de dewa Enabkê ya Şera de vera baregehê artêşa îşxalkere çalakîyêke ameye kerdene. Çalakîye de 3 îşxalkerî kişîyayî, 4 îşxalkerî birîndar bîyî û 1 tank û 3 obusî ameyî derbkerdene.
-7ê tebaxe de dewa Kil Cibrînî ya Ezazî de vera baregehê artêşa îşxalkere çalakîyêke ameye kerdene. Çalakîye de 1ê ci fermandar 3 leşkerî kişîyayî, 7 leşkerî birîndar bîyî. Hetê bînî ra cebilxaneyê baregehî zî ame îmhakerdene.
Netîceya nê çalakîyan de bi temamî 1ê ci fermandar 6 îşxalkerî kişîyayî û 11 leşkerî zî birîndar bîyî.''
