HRE eşkerayîya nuştekîye de vat ke, "Çalakîyê qesasî yê hêzanê ma yê verba artêşa Tirkî ya îşxalkare û komanê terorîstan dewam kenê."

HRE da zanayene ke çalakîye mabênê 22 û 11'ê Teşrîna Verêne de ameye kerdene û ame vatene ke, "22'ê Teşrîna Verêne dewa Meryemînî ya qezaya Şera de verba mewzî û kampanê komanê terorîstan ê pabesteyê artêşa Tirkî çalakîyêke ameye viraştene."

HRE derheqê netîceyê çalakîye de vat, "Çalakîye de kampe ameye îmha kerdene, 5 terorîstî ameyî kiştene û tifingêkê AK-47, dûrbînêk û yelegê hêrişî ameyî destfistene.

Hetê bînî ra eşkerayîyêka xo de ma vatibi ke 11'ê Teşrîna Verêne de verba kampêka leşkerî ya artêşa Tirkî ya dewa Meryemînî de hêzanê ma çalakîyêke viraşte û 2 leşkerê Tirkî birîndar bîyî. Goreyê xeberan leşkeranê birîndaran ra yew nêweşxane de merdo."