HRE: Efrîn de 4 îşxalkerî ameyî kiştene
Şerwanê HRE Efrîn de vera leşker û cerganê dewleta tirke ya îşxalkere çalakîye kerde. Netîceya çalakîye de 2ê ci leşkerî 4 îşxalkerê dewleta tirke ameyî kiştene.
Hêzanê Xelisnayîşê Efrînî (HRE) derheqê çalakîyanê 5ê gulane de tay zanayîşî dayî.
Eşkerayîya HRE de wina ame vatene: ''Roja 5ê gulane hêzanê ma herêma Efrînî de vera artêşa îşxalkere û cerganê înan 2 çalakîyê cîyayî kerdî. Çalakîyan de 2 leşkerî û 2 cergî ameyî kiştene, 2 leşker û 2 cergî zî birîndar bîyî. Wesayîtêkê îşxalkeran zî ame îmhakerdene.''
