Hêzanê Xelisnayîşê Efrînî (HRE) derheqê çalakîyanê hêzanê înan de eşkerayîyêka nuştekîye daye.

Eşkerayîya Hêzanê Xelisnayîşê Efrînî (HRE) wina ya.

''Roja 20ê adare hêzanê ma merkezê Efrînî de vera cerganê artêşa îşxalkere çalakîyêka sanotajî kerde. Netîceya na çalakîye de cergêk ame kiştene û 2 cergî zî birîndar bîyî. Hêzanê ma Efrîn de rayîrê qezaya Raco de vera cerganê artêşa îşxalkere çalakîyêka sabotajî kerde. Netîceya na çalakîye de zî wesayîtêk ame destvistene û cergêk birîndar bi.

Roja 21ê adare hêzanê ma dewa Kefer Xaşirî ya Ezazî de vera cerganê artêşa îşxalkere çalakîyêke kerde. Netîceya na çalakîye de cergêk ame kiştene. Roja 23ê adare hêzanê ma Meydanê Azadîye yê Efrînî de çalakîyêka sabotajî kerde. Labelê netîceya na çalakîye nêameye zelalkerdene.

Artêşa îşxalkere û cergê ci nê wextanê peyênan de dewe û qezayanê Efrînî û Şehba ser o bêmabên bombayan varnenê û herême de têgêrayîşê teyarayanê bêmerdiman zî dewam kenê.''