HRE pare kerd ke derheqê çalakîyanê înan ê mabênê 15 û 18ê nîsane de eşkerayîye daye.

Eşkerayîya HRE wina ya:

''Roja 15ê nîsane de hêzanê ma dewa Kefer Nebo ya qezaya Şêrawa de vera cerganê artêşa îşxalkere çalakîyêka sabotajî kerde. Netîceya na çalakîye de 2 cergî ameyî kiştene, 2 cergî zî birîndar bîyî. Roja 17ê nîsane de hêzanê ma dormeyê şaristanê Ezazê de vera cerganê artêşa îşxalkere çalakîyêka sekbanîye kerde. Netîceya çalakîye de cergêk ame kiştene. Roja 18ê nîsane de hêzanê ma Çerxerêya Wetanî ya merkezê şaristanê Efrînî de vera cerganê artêşa îşxalkere çalakîyêka sabotajî kerde. Netîce de 3 cergî  ameyî kiştene, 3 cergî zî birîndar bîyî.

Netîceya çalakîyanê hêzanê ma de bi temamî 6 cergî ameyî kiştene, 5 cergî zî birîndar bîyî. 

Hetê bînî ra dewe û qezayanê pbaesteyê herêma Efrînî û Şehba de têgêrayîşê teyarayan ê bêmerdiman dewam kenê û artêşa îşxalkere herême ser o bombayan varnena.''