Hêzanê Xelisnayîşê Efrînî (HRE) Efrîn, Ezaz û Şêrawa de ke ameyî îşxalkerdene vera hêzanê tirkan ê îşxalkeran çalakîyî kerdî. Netîce de tewr tay 6 îşxalkerî ameyî kiştene û 8ê ci zî birîndar bîyî.
HRE eşkerayîyêke weşanaye û pare kerd ke 13 û 14ê gulane de hêzane înan tay çalakîyî kerdî. Goreyê eşkerayîye Efrîn, Ezaz û Şêrawa de çalakîyan de 4 cergî, 2 leşkerî ameyî kiştene û 5 cergî 3 leşkerî zî birîndar bîyî.
Eşkerayîya HRE wina ya:
''Roja 13ê gulane de Efrîn de hêzanê ma vera cerganê îşxalkeran çalakîyêka sabotajî kerde. Netîceya na çalakîye de 2 cergî birîndar bîyî, 2 wesayîtî ameyî îmhakerdene û wesayîtêk ro derba ame dayene.
Herêma Ezazî de hêzanê ma vera artêşa îşxalkere û cerganê ey 2 çalakîyî kerdî. Netîceya çalakîyan de 4 cergî ameyî kiştene û 3 cergî zî birîndar bîyî.
Roja 14ê gulane de dewa Kîmarî ya qezaya Şêrawa de hêzanê ma vera artêşa îşxalkere çalakîyêke kerde. Netîceya çalakîye de 2 leşkerî ameyî kiştene, 3 leşkerî zî birîndar bîyî. Çalakîye de wesayîtêkê karî zî ame îmhakerdene.''
