Hêzê Xelisnayîşê Efrînî (HRE) pê eşkerayîyêka nuştekîye derheqê çalakîyanê xo yê peyênan de zanayîş da.

Eşkerayîye de ca dîya nînan:

''16ê temmuze de dewa Elemdara ya qezaya Racoyî de hetê Yewîyanê Şehîdê Avesta ra çalakîya sabotajî ameye kerdene. Çalakîye de 3 çeteyî ameyî kiştene û yew çete zî birîndar bi. 18ê temmuze de  taxa Vîlatî ya Efrînî de çalakîya sabotajî ameye kerdene. Netîceya çalakîye de wesayîtêk ame îmhakerene û 2 çeteyî birîndar bîyî. 19ê temmuze de herêma Babî de vera îşxalkeran çalakîye ameye kerdene. Netîceya çalakîye de di wesayîtê  doçka barkerdeyî ameyî îmhakerdene  û 7 çeteyî ameyî kiştene û 5 çeteyî zî birîndar bîyî. Eynî roje dewa Kilcirînî ya Ezazî de çalakîye ameye kerdene, 2 çeteyî ameyî kiştene û çeteyêk zî birîndar bi.''

HRE ard ziwan ke pêro pîya 12 çeteyî ameyî kiştene û 9 çeteyî birîndar bîyî û vat nê çalakîyî semedê qesasgirewtişê hêrişê artêşa tirke yê vera şehîdgehanê Efrînî ameyî kerdene.