HRE: Tewr tay 2 leşkerê tirkî ameyî kiştene
Hêzanê Xelisnayîşê Efrînî (HRE) bi eşkerayîyêk da eşnawitene ke çalakîya înan a herêma Efrînî de 2 leşkerê tirkî ameyî kiştene û 3 zî birîndar bîyî.
Hêzanê Xelisnayîşê Efrînî bi eşkerayîyêk derheqê çalakîya hêzanê xo ya 26ê kanûne zanayîş da.
Goreyê eşkerayîye pîya bi Ezaz û Malikiyê qezaya Şera ya Efrînî de vera bargehê artêşa tirke çalakîyêk ameyî viraştene. Çalakîye de tewr tay 2 leşkerî ameyî kiştene 3 zî bîrîndar bîyî. HRE da zanayene ke îşxalkeran badê çalakîye dewê Malikiyê, Merenaz, Şewarqa û Qamîyê yê qezaya Şera ya Efrînî bombavaran kerdî. Netîceyê hêrişî de dewijan ziraro madî dî.
