Dewleta Tirkan a îşxalkere vera Vakur û Rojhelatê Sûrîye 9ê teşrîna verêne de dest pê hêrişî kerd û hêrişê bibombayî kerdî zêde. Tewr peynî de 11ê teşrîna peyêne de Qamişlo de hêrişo bibomba ame kerdene. No hêriş Koalîsyona Mîyanneteweyî de zî kewte rojeve û gore selahîyetdarê Îdareyê Xoserî Dewleta Tirkan berpirsîyara nê teqayîşî ya.

Îdarekarê Çapemenîye yê Herêma Cizîrî ya Hêzanê Asayîşê Zereyî Bedîh Husoyî derheqê serebûtî de qisey kerd û vat: "11ê teşrîna peyêne de Qamişlo de teqayîşê bikoordîne ame kerdene. Tewr peynî de rayîrê El Wehde de hêrişê wesayîtê bombabarkerdeyî ame kerdene. Teqayîşo diyîn El Şimu Cafe û Dêra Keldanîyan de ame kerdene. Teqayîşî de 5 kesî merdî û 26 kesî birîndar bîyî. Teqayîşî ra dima embazê kamera ra ewnîyayî dîmenan û kuçeyan. Kamî kerd ame tesbîtkerdene. Dima ke telefonê ci ame kontrolkerdene ame zanayene ke ferman Tirkîya ra ame dayene. Şarê sivîl kenê hedef. Wazenê ke şar koç biko. Êyê ke bombayan teqînenê DAÎŞê Tirkîya ra yê. ê hetê Dewleta Tirkan ra yenê wezîfedarkerdene. Zaf cergê ke ma tepiştî îtîraf kerd ke Tirkîya ê kerdî wezîfedar. Gore cigêrayîşê ma kesê ke nê teqayîşan kenê pabesteyê Artêşa Tirkan û îstîxbaratê aye yê." Husoyî venga şarî da ke eke çîyêkê şikdarî bivîno xeber bido dewrîye û merkezê Hêzanê Asayîşê Zereyî. Husoyî vat: "Ma 24 saetan mîyanê şaristanî de gêrenê. Bi hişyarîya xo ma eşkenê nê çalakîyan pûç bikê."