Kampa Eyn Îsa ra 785 çeteyî remeyî! -Ameye Newekerdene
Çeteyanê DAÎŞ'î bi hetkarîya hêrişanê dewleta Tirkî, Kampa Eyn Îsa de dest bi serewedaritişî kerd. Goreyê zanayîşanê ke ANF'yî çimeyanê herême ra girewtî, 785 çeteyî kampe ra remeyî.
Çeteyanê DAÎŞ'î bi hetkarîya bombardûmananê DAÎŞ'î kampa Eyn Îsa de dima ke sere wedarit remayî.
Çimeyanê herême da zanayene ke 785 çeteyî remeyî ke nê pê çekanê xo yê ke verê cû hem kampe de hem zî dorme de peyda kerdî, dewa Xalîdîye de xo nimitê. Ame vatene ke êyê ke remeyî, zafîne keyeyê DAÎŞ'ijan û tepişteyê DAÎŞ'ijî yê û nê çeteyê ke remeyî, verba hêzanê QSD'yî dest bi hêrişî kerd, teyarayê Koalîsyone serê dewe de fetilîyenê. Ame zanayene ke teyarayan hema mudaxeleyêk nêkerd û zereyê kampe de zî çeteyê bi çekan estî. Ajansê Fransa yê AFP'yî zî pare kerd ke nêzdîya 800 DAÎŞ'ijî remeyî.
