Îşxalê dewleta tirke yê vera Rojawanî de 300 hezar ra zêdêr kesan koç kerd. Meclîsê Kantonê Girê Sipî bi koordîneyê Îdareyê Sivîlî yê Reqa 22ê teşrîna peyêne de Eyn Îsa de kampêke ronaye.

Zaf koçberan koçê şarsitananê cîyayan kerd û zaf koçberî zî kampa koçberan de manenê û hûmara koçberanê kampe her roje zêdîyena. Kampe hetê dezgehanê mîyanneteweyan ra nêna paştdayene û hewcedarîyê kampe hetê Heyva Sor a Kurdîstanî ra yenê peydakerdene.

Kampe de 100 xeymî ameyî ronayene û tede 81 keyeyê ke 400 kesan ra yenê meydan manenê. Heyva Sor xîret kena ke kampe de 100 xeymanê bînan zî ronê. Seba koçberan hewcedarîyê bingeyî sey awe, werd û cilî ameyî peydakerdene.

Hemsereka Îdareyê Kampa ke şarê Girê Sipî tede manenê Fadîya Şerîf pare kerd ke dezgehê mîyanneteweyî hetkarîya kampe nêkenê û hewcedarîyê koçberan hetê Heyva Sor ra yenê peydakerdene. Fadîye da zanayene ke her roje tewr tay 10 keyeyê neweyî yenê kampe.

Kampe de xebatê awe, elektîrîkî dewam kenê.