Bi wesîleya Roşanê Qurbanî keyeyê şehîdan mezelê qicanê xo yê ke semedê azadîye û şorişî cuya xo feda kerde, zîyaret kerdî. La verê ci şehîdgehî ameyî pakkerdene û bi mumanê renginan ameyî xemilnayene. Tarîya şewe de sereyê her mezelî de roştî esta.

Dayîkanê şehîdan ê Qamişlo ra Celîla Elî şewe ra semedê lajê xo Şero şîye şehîdgeh. Dayîke Celîla ya di lajê aye zî mucadeleyê şorişî de bîyê gazî vera hêrişanê îşxalî yê dewleta Tirkî bedelê ke semedê şorişî ameyî dayanê ardî vîrî û va: ‘’Ma çirey bedelê ke qicanê ma dayê xo vîra nêkerdî, gonîya  înan bimbarek a. Nê  hêrişê ke ewro qalê ci bena nênê qebûlkerdene.’’

Dayîke Celîla ya ke her roja Îneyî û her roşanî de şina şehîdgeh şehîdan rê duayan wanena wina dewam kerd: ‘’ Erdogan sînoran de dêsan nano ro û bado zî herra ma îşxal keno, beranê ma vêşneno ma ra çi wazeno? Ma nêwazenê ke keda qijanê ma yê şehîdan veng şiro. Ma û heme merdimî heqê xo wazenê û nê hêrişê îşxalî çirey qebûl nêkenê. Ma şer nêwazenê, ma edalet wazenê qet kesêk vengê ma nêeşnaweno? Eke ewro Erdogan şer wazeno, ma sey keyeyanê şehîdan vera naye bêveng nêmanenê. Ma çok nêdanê tim vera hêrişan payra yê. Ma haştîyêka binaore rê zî şerêko bianor rê zî amede yê.’’

Zîla Meleka 10 serrî zî sereberz qalê pîyê xo şehîd Ednan Melekî kena û semedê ey deyîrêke vana. Hayîdarîya Zîla zî tehdîtanê Erdoganî ra esta.  Zîla va: ‘’ Ma soz dayo şehîdan ma do destûr medê kesêk dest bierzo şehîdanê ma  û bikewo herra ma. Ma nê wazenê Erdogan bikewo herra ma. Ma haştîwaştoxî şer nêwazenê. Ez roşanê heme keyeyanê şehîdan bimbarek kena û vana ‘wa bicuyo Rayber Apo, wa bicuyo Rayber Apo’.’’