Rojawan de şar rîyê krîzê ekonomîkî ra rojanê zehmetan ra derbaz keno. Komîteya Ekonomî ya Îdareyê Xoserî ya Herêma Firatî seba ke zehmetîya şarî çareserîye bikera tay projeyan amade kena. Qezaya El Qeneya ya Kobanê de nê rojanê peyênan de îmalatxaneyê werdî yo verên ame akerdene. Îmalatxane hem şar îstîhdam keno hem zî hewcedarîyanê şarî peyda keno. Îmalatxane de 60 kesî xebitîyenê û tede rîçel, aqîd, salçe û baharat yenê berardene.

Îdarekaranê îmalatxaneyî ra Kamîran Omerî îfade kerd ke projeyî wextêkê kilmî de şarî rê xizmetê pîlî kerdî.

Karkeranê îmalatxane ra Hêvîzere Bereket zî vat: ''Ma şarê xo rê hewcedarîyanê bingeyînan pê erjanî danê. Ma dima ke hewcedarîyanê herême peyda bikerê berhemanê xo do bierşawê teberê welatî zî. Ma projeyêko serkewte ard ca. ''