Kobanê de semedê selamkerdişê xoverdayîşê gerîlayan ewro rayraşîyayîşêk ame kerdene.

Ciwanê Herêma Fratî û endamê dezgehanê sîvîlan bi seyan kesî tewrê çalakîye bîyî bû slogananê "Bijî berxwedana gerîla" û "Bimire îxaneta mala Barzanî” rayra şîyî. Rayraşîyayîşo ke Meydanê Cinîya Azade ame destpêkerdene heta Meydanê Şehîd Egîdî dewam kerd.

Verê rayraşîyayîşî bi nameyê ciwananê PYDyî eşkeraye ameye dayene û ame vatene ke dewleta tirke pîya bi Keyeyê Barzanîyî hêrişê kurdan û koyanê ci yê azadan kenê û vera Herêmanê Pawitişî yê Medya çekanê kîmyewîyan şuxulnena. Ciwanan bale antê xoverdayîşê xurtî yê gerîlayan ser ke vera hêrişê îşxalî reya benê û vat ê do sey ciwananê PYDyî wayîrê nê xoverdayîşî vejîyê.