Çalakîya grevê vêşanîye yê tepişteyanê ke vera tecrîdê serê Rayberê Şarê Kurdî Abdullah Ocalanî ame destpêkerdene 40 rojî xo dima verdayî. Kombanê de zî semedê paştdayîşê çalakîya tepişteyan û şermezarkerdişê tepişyayîşê Hemsereka KCDyî Leyla Guvene grevê vêşanîye yê seba 7 rojan amebi destpêkerdene.

Çalakîya ke serkêşîya Meclîsê Keyeyanê Şehîdan de yena kerdene kewte roja 4. Xeyma çalakîya ka Meydanê Şehîd Egîdî de ya pê fotografanê Ocalanî û pankartanê selamkerdişê xoverdayîşê zîndanan xemilyaye. Her roje bi desan dezgehê komelê sîvîlî xeyma çalakîye zîyaret kenê. Ewro Komîteya Weşîye, Meclîsê Qeza yê Kobanê û Meclîsê Kantonê Kobanê çalakwanî zîyaret kerdî.

Hemserekê Meclîsê Kantonê Kobanê Ferhan Kobanêyî vera polîtîkayanê vera kurdan bale ante muhîmîya yewbîyayîşî ser. Kobanê ard ziwan ke xeyrê felsefeya Ocalanî Tirkîya de vera faşîzmî mucadele dewam keno û vat xeyrê Ocalanî şarê kudî newe ra xoverdayîş û înşakerdişê Kurdîstanî musa.
 

Çalakî do heta 9ê çeleyî dewam bikero.