Rojnameger Lezgîn Îbrahîmo ke xoverdayîşê Kobanê teqîb keno ajansê ma rê qisey kerd. 

Îbrahîmî pare kerd ke îşxalê Kobanê sey hêrişê vera ameyoxê Rojawanî yeno dîyene û vat: ''Wexto ke DAÎŞî hêrişê Kobanê kerd her kesî zanayêne ke destvistişê Kobanê yeno manaya destvistişê Rojawanî. La paştdayîşê şarî, yewîye û seferberîya topyekûne Kobanê payan ser de vindarnaye. Bi xoverdayîşê Kobanê dinya Şorişê Rojawanî eşnawite û tersê vera DAÎŞî şikîya. Coka dinya Roja Kobanê sey roja xoverdayîşî û paştdayîşî îlan kerde. Dewleta tirke 2014 de vera xoverdayîşê Kobanê paştî dayêne DAÎŞî çunke waştêne ke wa Îdareyo Xoser birijîyo û şoriş bêro çinkerdene. Ewro bi hêrişanê xo dewleta tirke qesasê binkewtişê DAÎŞî gêna.''

Îbrahîmî da zanayene ke şar vera hêrişanê nikayênan ê serê Kobanê zî bi ruhê seferberî têgêreno û vat: ''Kobanê seba pawitişê tax, kuççe û dewanê xo yewinê xopawitişî awan kerdî. No ruhê têkoşînî xoverdayîşê Kobanê yê 2014î ano vîrê merdiman. Mîyanê şarî de fikrê 'Hinî QSD est o, şer hewce nêkeno' serwer nîyo; her kes xo ver dano. Armancê înan çinkerdişê hêrişanê dewleta tirke yo. Şar bi dersanê ke girewtê bi baldarî têgêreno. Şarê Kobanê qerardar o ke îşxalê dewleta tirke yê diyînî zî bişikno.''