Koçberanê Efrîn-Şehba derheqê hêrişanê dewleta tirke û cerganê ci û rewşa nikayêne de ajansê ma rê qisey kerd.

Koçbera helebije Elîfe Omer Seydo ard ziwan ke cergan sey vergan hêrişê înan kerdo û vat: ''Cergan bi zorî ma keyeyanê ma ra vetî. Ma ancî wareyê xo ra bîyî. Xora ma Şehba de zî sey koçberan zaf zehmetî dîyêne. Cergan tim şarê ma kiştêne û dezgehanê mîyanneteweyîyan ney rê sewtê xo nêkerdêne. Ganî vengê ma bieşnawîyo.''

Henan Mûsayo de dewêka Şera ya Efrînî ra yo vat: ''Zulmê cergan ra ma Efrînî ra koçê Şehba kerdbi. La Şehba de zî ma raştê hêrişan ameyî. Nika ma Qamişlo de yê. Îdareyo Xoser bi pêro îmkananê xo paştî dano ma. Cergan zulmêko pîl ma rê kerd. Dişmen se keno wa bikero ma kurd ê, cuya ma bi kurdayetîye dest pêkerdo û bi kurdayetîye do ser bikewa. Ma do bi ruhê serkewtişî abigêrê Efrînî.''

Ronahî Mihemedî vat: ''Rixmê pêro xirabîyan zî şarê Efrînî xoverdayîşêko pîl kerd. Ma ancî wareyanê xo ra bîyî û Şehba ra verê xo da tîya. Ma teyna haştîye wazenê. Hinî bes o! Ma qetî hêrişê çewî nêkerd. Wa her kes bi nasnameyê ma kurdan qebul bikero. Xora eke dişmen hêrişê ma bikero ma do cewabê înan bido. Wa domanê ma heta peynî têkoşîn bikerê. Ma do abigêrê Efrînî.''