Şarê Serêkanîyê yo ke îşxalê dewleta tirke de koçê Til Temirî kerd mîyanê şert û mercanê zoran de ciwîyeno. Dezgehê hetkarîye yê mîyanneteweyî vera koçberanê  serêkanîyêyîjan bêhîsger ê la koçberî seba ke vera vîrusê Korona têkoşîn bikerê pabeyê paştdayîşî yê.

Koçberan ra Leyla Kaso (32) îfade kerd ke rewşa dibistana ke ê tede manenê xirab a û vat: ''Gefê vîrusê Korona ma qerqilneno. Mêsî zî zêdîyayî. Ganî dibistane bêra dermankerdene.''

Hemîd Hisênî zî dewa Erîşe ra koçê Serêkanîyê kerd. Hisênî ard ziwan ke ambargoyê vera Rojawanî dewam keno û coka hetê madîyî ra ma zaf  tengîye ancenê. Hisênî seba ke tay pere qezenç bikero hetkarîyê ke ci rê ameyê rotî. Hisên seba paştdayîşî venga dezhehanê mîyanneteweyîyan da û eşkera kerd ke Heyva Sor a Kurd û Îdareyê Xoserî ra ber çew hetkarîya koçberan nêkeno.