Şorişgêranê enternasyonalîstanê ke ANFyî reyde qisey kerd bale ante  ekolojî û komelkîbîyayîşî ser û vat komelkîbîyayîş do kapîtalîzm çin bikero.

Masma Sûlava katalan ard ziwan ke sîstemê dewletan vera vîrusê Korona kêm mendî û çareserîye mîyanê komelî de ya. Sûlave vat: ''Tewirê Îspanya yê vera vîrusê Korona maneno tewirê verênî. Dewlete karê cewabdayîşê hewcedarîyanê şarî tay market û şîrketan ra verdayî. Ê zî krîzî ra fayde vînenê. Prosesê janî de paşdayîşê şarî yê seba yewbînan xurt beno. Sîstemo nikayên hînî çareserîye nêaferneno û ganî ma pê paştdayîşî dinyayêka têdûşte awan bikerê.''

Zana Sankara Swîsre ra yo. Zanayî vat: ''No krîzê vîrusî nêeşkeno paştdayîşê ma asteng bikero. Ma do pîya nê krîzî ra bixelisê û sîstemê dewletan wedarê. Prosesê ci do bibo prosesê destkewteyanê şaran.''

Bobby Sands û Charlie Qereçox îngîlîz ê. Sands û Qereçoxî vat: ''Sîstemê kapîtalîstî bi serran giranîye nêdaye weşîye ser û nika nêeşkeno vera vîrusî têkoşîn bikero. Pê rojeyêkê neweyî yê seba awankerdişêkê sîstemî ganî persperktîfî bêrê munaqeşekerdene. Xîret, kede û sîstemê Rojawanî seba nê projeyî mîsalêko muhîm o û ganî sey model bêro girewtene.''